DANGANTAKAR AURE
zainab taja dogon ajiyar zuciya ta kalleshi tace Naji nayi laifi ayi hakuri bazan sake ba zauna pls, da kyar tasamu ya zauna yana wani shan kamshi ya harde hannu tare da daura kafa daya kan daya ya bata rai..ta kallesa a zuciyarta tace yau kuma ta kaina abin ya motsa, nan ta nufi kicin ta dauko mai juice mai sanyi da cup ta ajiye a gabansa, ta tsiyaya ta mika masa ya karba kamar baya so..nan ta zauna a kujeran gefensa har ya gama sha ta kallesa...tace uncle Rufa'i (you are a gentleman) fada da ni ko sani yin karya bai dace da kai ba, in na maka laifi ko wani kuskure sai ka fada min ko in akwai abinda nake bana so sai ka fada min in gyara, amma wannan halin da kake nuna min ban kamaci haka ba ni matarkace ba kayan sawa ba da ko yaushe kakeso kasa ko ka cire kada ka maida mana rayuwar aure abin wasa
ya kafa mata idanu,sai da tasha jinin jikinta yace ke kika maida mana rayuwarmu abin wasa, dubi idona kinga nayi kama da wanda za'a yaudara? ina so ki tashi mu tafi yanzu kuma kiyi abinda na saki ba wasa, ta matso gabansa ta durkusa gami da jawo hannayensa duka ta rungume ta langabe kai cikin sanyin murya tace kayi hakuri kayi kokari ka fahimta uncle Rufa'i bazan iya zuwa inyi karya ba. Rufa'i da bana sonka da zan iya zuwa ince bana sonka ba tare da shakka ko tsoro ba, to amma ina sonka, yazanyi inyi karya? ta mike daga durkuson da tayi tare da kwanciya a jikinsa ta lumshe ido tana shakar kamshinsa sonshi na ratsata tace Rufa'i maganata kai farincikina kai, yazan iya zuwa gaban iyayenmu ince bana sonka, bayan kaine Rayuwata......

IGIYAR RAYUWA
shahida ta jima tana kallon hotonsa da ke manne jikin magazine din...tuni taji kuka ya kubuce mata wayyo Allah dan uwa rabin jiki jaabir dina ina zan sake ganinka? a yau idanuna da zuciyata suna matukar son ganin kanina dan uwa na jaabir dina.
      jaabir din ne yashigo yana rungume da jaabir karami tare da kayan wasan sa...tayi murmushi tace dan uwa baka gajiya kayan wasa sun masa yawa, yace kyale shi ni da dana ba batun gajiya kin san son da nake wa maman sa ya shafeshi. tayi murmushi tace Dan uwa baka gajiya da son yayarka, i blieve duk duniya  bazan samu me sona da kaunata irin ka ba, jaabir yanzu in akwai wanda na yadda dashi bana shakku akansa to kaine na tabbatar in ina tare da kai bazan taba bakin ciki ba, duk da ance rayuwa na tafiya tare da bakin ciki da farin ciki nasan bazan bakin ciki tare da kai ba.
ya kafa mata idanu yace kin yadda da hakan yar uwa? kwarai ta girgiza masa kai ya kalleta tare yace in fadi wani Abu? ina jinka, ya kalleta sosai yace y'ar uwa mai zai hana mu canja dangantakar mu, ban fahimce ka ba? sai da yayi dan shiru sannan yace ina nufin mubar dangantakar yaya da kani, tayi murmushi tace kana nufin kai ka dawo yaya ni kanwa? dan kawai kaga kazama kato ka fini tsayi da girman jiki ko? kar ka manta shekara bakwai nake baka, ya zuba mata idanu yace ba haka nake nufi ba...me kake fadi ne jabir nifa ban gane kan maganganun ka ba fa, saurareni yar uwa ya juya mata baya ina so dangantakar mu ya koma na aure.ina sonki yar uwa ina son aurenki.ni kadaine namijin da zai iya saki farin ciki zan nesan taki da duk wani bacin rai na rayuwa, zamu rayu cikin farin ciki ni da ke da jaabir karami.y'ar uwa a tun lokacin da na fahimci ba abin da ya hadamu bamu da dangantaka ta jini tun daga ranar (feelings) dina gareki ya canja na kasa son ko wata mace a rayuwata sai y'ar uwata yaya shahida na, ya juyo yana fadin yar uwa ki Au.....ya kasa karasawa saboda tsananin firgita,kaduwa rudani da tsantsan tashin hankali da ya shiga sanadiyar ganin halin da y'ar uwarsa ta shiga dalilin kalaman da ya furta mata a yanzu......

ME SO NA

Zarah ta kalli mallam sule tana dariya tace mal sule kana ta godiya kamar wanda kake gaban gwamna din, tuni mal sule ya shiririce gaban sa na faduwa, mahmud ne ya kau da shirun ya kalli zarah yanajin wani Abu mai sanyi da dadi yana ratsashi yayi murmushi yace zarah ai mal sule baxai iya magana a gaban gwamna ba, dan kuwa idon gwamna ja ne kamar na zaki fuskarsa a daure take baya dariya, kuma bai da kyau, zarah ta zaro ido tace laaa haka yake? ai na fada maka kai kadai ne soja me kyau, ya kalleta yace nidin ina da kyau? shiru tayi ta sunkuyar da kai, shikuma yana kallonta yana murmushi yana jin kaunarta da tsantsan sonta a ransa.mal sule ne yasako baki yace yallabai gwamna fa jarumin namiji ne ga kyau ga kwarjini ga ilimi ga mulki gwamna kuma dan sarki zarah tayi carab tace duk kyansa da kwarjininsa bai kai mal mg na ba

          mal sule yace ai ku mata irin yallabai kukeso kema in kinzo aure irinsa zaki zaba...ta zaro ido tare da fadin cab! ni bana sonsa in nazo aure irin ya mahammad zan zaba in aura, runtse ido yayi  ya mike idonsa ya kada yayi ja kishi ya turnikeshi yaji zuciyarsa na tafasa ya mike tare da zaro kudi masu yawa ya mikawa mal sule...ya fita tuni mal sule ya tsure ya soma hango mahmud din da ya sani gwamnan kuma sojan da ba ya wasa balle dariya...fita yayi a fusace zarah ta bishi duk saurinta ta kasa kamoshi  mallam mg ka jirani bazan iya saurin ka ba, bai saurareta ba, zanyi kuka fa ta fada cikin muryan shagwaba...yana jin muryanta mai hade da sonta na ratsashi amma sai ya share bai tsaya ba sai da ya isa wani dakali ya zauna...tana isowa wurin itama tayi banza dashi ta wuce bata kulashi ba, zarah! yakirata da karfi amma bata kulashi ba...mikewa yayi yasha gabanta yace zarah tafiya zakiyi kibarni? canja hanya tayi bata kulasa ba, ya sake shan gabanta zarah pls karki min haka kinaso kice baki fahimci komai ba? kanta sunkuye tace ban sani ba, kuma bana son sani kabani hanya in wuce kafin ruwa ya sauko...wucewa tayi tabarshi a wurin har ta kusa isa gida ya bita ya jawo gyalenta ya rike, cak ta tsaya..yasha gabanta zara kince bakisan me yasani fishi ba?  Zarah ina neman Alfarma in kina tare dani karki sake kiran sunan yayanki zarah bazan iya jure hakan ba, bazan jure ganin wani namiji ya fini muhimmanci a rayuwarki ba, zara ina son zama wani Abu mai muhimmanci da daraja a rayuwarki. ta juyo ta kallesa ta lura gaba daya a birkice yake idonsa jawur tashin hankali bayyane karara a fuskarsa, hankalinta taji ya tashi ganinsa cikin wannan yanayi ya taba mata zuciya, amma sai ta jure tace masa..ya muhammad shine namijin da na fara rayuwa dashi kuma shine namijin da zan gama rayuwa dashi in shaa Allah...ZARAH  taji ankira sunanta gabanta taji ya mummunan faduwa saboda gane muryan, ta juya da sauri muhammad ne rataye da jakarsa hannunsa rike da akwati...ya muhammad ta fada cikin daga murya da farin ciki tana oyoyo ta karbi jakarsa tana dariya...kallonta yake ya kasa magana haka ya kasa daga idonsa a kanta har ta dan soma jin kunya tace ya muhd bazaka min magana ba ko sai nakira daya sunan ME SONA  yayi murmushi yace zaran ya muhd ta girma zancewa Abba yayi sauri ya aura min zara na...sunkuyar da kai tayi tana murmushi.

  mahmud na tsaye yana jinsu ya kasa koda motsi balle ya daga kafa, kallo daya yayiwa muhd yaji wani irin tsanarsa da kinsa ya darsu a zuciyarsa ya juya musu baya ya dingajin kalamansu na kona masa zuciya ransa ya mugun baci hankalinsa ya mummunan tashi lokaci guda yaji duniyarsa tazo karshe...kalaman zarah suka dinga yawo a kunnensa haka dariyarta da muhammad ya kusa haukatashi kwakwalwarsa yaji tana neman juyewa komai ya cushe masa.

HAMSHAKIYA
Hajiya ta kalli Hamida tace kin zama uwa kina shekara sha bakwai,ko da yake uwa fa y'atace ba ke ba, saboda ko me kika haifa wani iri kika haifa ba sani zakiyi ba haka ko sunan uban yaranki ba sani zakiyi ba balle ki sanshi, komai a rufe yake bazaki taba gane wace zuri'a kika haifawa yara ba...sannan a yadda kike matsiyaciya kaskantacciya bazaki iya taba zuwa ko kusa da inda yaranki suke ba balle ubansu kina bukatar power ki kafin ki samu zuwa kusa dasu...don haka kina da zabi ko kiyarda ki manta da kin taba haifan wasu yara ki karbi ladan hayar mahaifarki da kika bayar kika haifesu...ko ki kama hanya ki tafi ko insa a fitar dake daga garin nan ta tsiya tsiya ko kina so ko ba kyaso kuma ba ko sisi ki tafi a wulakance, ki gode Allah da ya baki wannan damar dan kuwa ba ko wata mace bace tasamu damar haifa da shayar da y'ay'an (richest man) kamar sa ba, daga haifar su har an mallaka musu dukiyar da hankalinki bazai iya dauka ba...dan haka na gutsiro miki kadan daga ciki matsayinki na wacce ta bada hayar mahaifanta aka haifesu,Hamida ta runtsa ido tana jin wani irin radadi da bacin rai tare da bakin ciki suna ratsata....hawaye na zuba....